記得每日幫雙眼“洗白白”

一直我都間中有用『愛滴氏』洗眼水,清潔雙眼,尤其係化o左眼妝個日。
用洗眼水,係因為幾年前,內眼瞼生瘡,“吉”到隻眼開唔到。睇醫生先知原來我雙眼內分泌比較多,但眼水又比其他人少 —>即係油多水少(好似我塊面o既膚質咁 ……. 悲哀中),所以經常積聚油份,加上搽眼霜,亦令油份經眼皮滲入眼瞼,容易生眼瘡。
於是,醫生建議我每天至少要用洗眼水一次,沖走多餘油份。當然,最後我由每日洗變成間唔中洗啦 …… 懶呀嘛!
係香港,洗眼水選擇唔多,依我所知得『博士倫』同『愛滴氏』比較容易買得到。但『博士倫』價錢比『愛滴氏』貴,而且又唔襟用,所以一直都係用『愛滴護』。
不過,當『愛滴氏』轉o左新包裝,連內附o既洗眼杯設計都轉埋時,我就覺得佢唔好用,因為洗眼時o的洗眼水好易漏出o黎。
之前,見網上有 sister 介紹o左日本『樂敦』粉紅色o既洗眼水,我就好想去試。奈何,係香港上網買o既價錢一o的都唔平,起碼要成 $100 以上一支,於是打消o左呢個念頭。
但係,皇天不負有心人,最近有同事去東京玩,而佢又好好肯幫我托 2 支洗眼水返o黎,終於有機會試啦!

唔用尤至可,一用便愛上!『樂敦』呢隻真係好用過『愛滴氏』好多,除o左佢o既洗眼杯設計可以完全吸住隻眼外,用完後,雙眼感覺上比『愛滴氏』更乾淨,更滋潤(成份好似有 B12,可滋潤眼睛)。

未洗眼前,o的洗眼水好清!

登...登...登...櫈,睇吓,洗完後成杯水都有油浮係面,係咪好嚇人呢?
所以話,眼睛都好似皮膚咁,每日就算唔化妝都會積聚油份,你地每日都清潔塊面,咁點解唔每天幫雙眼清潔呢?
眼睛係靈魂之窗,除要好好保護外,仲要記得幫佢『洗白白』,如果係有事o既時候就好大鑊o既啦!

Tags:

  • Digg
  • Del.icio.us
  • StumbleUpon
  • Reddit
  • Twitter
  • RSS
Read Comments